Plantun de Prouvènço

Pèr coumpara dos planto d'encò nostre

Buxus sempervirens & Anemone hortensis subsp. hortensis

Bouis

Buxus sempervirens

Buxaceae

Autre noum : Bouisse.

Nom en français : Buis.

Descripcioun :
Aubret que fai souvènti-fes de bouissoun sus la roucaio, li relarg de l'éuse e subretout dóu roure. Flouris au mes de mars emé uno forto oudour. Douno de pichot fru redoun e banaru (l'oulo). Li fueio soun lisco e espèsso.

Usanço :
Lou bouis èro acampa, chapouta e mescla i fenso de fedo pèr faire de fumié pèr lou jardin (O. Madon e TdF : "lou bouis es un bon fumié"). Servié peréu à ajuda à la circulacioun dóu sang di bèsti. Li fueio de bouis en tisano soun vertuouso contro la fèbre e li mau de ren (mèfi pamens qu'èi toussi). Se fai peréu de ban pèr apeisa li mau d'os. Li ramo de bouis servien pèr tout un fube de causo, de l'escoubo pèr acampa lou gran i pouciéu. La ligno de bouis douno de poulìdi besougno que lusisson un cop aliscado (cano, boulo...).

Port : Aubret
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Buxus
Famiho : Buxaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Colo - Garrigo
Estànci : Pancaro entresigna
Couroulougi : Pancaro entresigna
Ref. sc. : Buxus sempervirens L., 1753

Uei-de-perdigau

Anemone hortensis subsp. hortensis

Ranunculaceae

Autre noum : Anemouno-fèro.

Nom en français : Anémone des jardins.

Descripcioun :
L'uei-de-perdigau flouris à la debuto dóu printèms e s'atrovo majamen en Prouvènço dóu levant. Fai de poulìdi flour vióuleto e de fueio paumado que podon pas engana. L'autro subsp. pavonina, de coulour roujo, èi proun raro.

Usanço :
Es uno planto empouisounanto qu'èi bessai vertuouso, mai n'en sabèn pas mai.

Port : Erbo
Taio : 10 à 50 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Anemone
Famiho : Ranunculaceae

Ordre : Ranunculales

Coulour de la flour : Vióuleto
Petalo : >6
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : 0 à 600 m
Aparado : Noun

Liò : Terraire safrous - Tepiero seco - Roucaio
Estànci : Termoumediterran à Mesoumediterran
Couroulougi : Pancaro entresigna
Ref. sc. : Anemone hortensis subsp. hortensis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Buxus sempervirens & Anemone hortensis subsp. hortensis

Coumpara Bouis emé uno autro planto

Coumpara Uei-de-perdigau emé uno autro planto